Shillong, Nailar 17: Ka All Meghalaya Karate-Do Association (AMKA) hynne ka sngi kala pynlong iaka 29th Inter School bad 11th Inter College Karate Tournament 2023 hapoh ka Multipurpose Hall jong ka Sport Authority of India’s (SAI) Shillong Training Centre kaba don hapoh ka skulbah NEHU haka jingdon lang u myntri ka tnat Sports and Youth Affairs u bah Shakliar Warjri bad u Working President ka Meghalaya State Olympic Association u bah John F Kharshiing.
Daka jingkyrshan jong ka tnat Directorate of Sports and Youth Affairs ka sorkar Meghalaya, kane ka Annual Karate Championship naka bynta ki khynnah skul bad samla pule College kan neh naduh 19 tarik mynta u bnai.
Kumba 500 ngut ki Karatekas na 70 tylli ki Schools bad 6 tylli ki College kin wan shim bynta ha kane ka 29th Inter School bad 11th Inter College Karate Tournament 2023.
Lah ban kdew ba ha u snem 2022 ki ba rah iaka nam lahduh ki kynthup ka O.M Roy Memorial Secondary School (inter school, girls), ka St Anthony’s LP School (inter school, boys) bad ka Shillong College (college category).
Ia kane ka 29th Inter School bad 11th Inter College Karate Tournament 2023 la pynlong naka bynta ban ailad iaki khynnah bad samla pule ban pyni iala ki sap ba ki don ha kane ka jingiakhun kum haka Kumite (sparring) bad Kata (form demonstration) bad kiwei kiwei de.
Pule lang ia kane: Kem ki Pulit sa uwei u Nongialam ka NLCN, kot 11 ngut kiba shah kem
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
