Shillong, Nailar 15 : U Myntri Rangbah ka Jylla Conrad K Sangma ha ka sngi Ba-ar, ula pynbna paidbah ia ka flagship program ba thymmai jong ka Sorkar Jylla bala ai kyrteng ka ‘Chief Minister’s ELEVATE Program’, kaba dei ka single window ka ban khmih ia baroh ki jingdonkam jong ki nongsengkam hapoh ka Jylla.
Haba pynbna ia kane ka prokram ha ka jingrakhe I-Day ba 77 ka Ri, u Conrad ula ong “Nga kmen eh ban pynbna ia ka flag ship prokram ba thymmai jong ka Sorkar Jylla ban aikam aijam bad pynkupbor ia ki samla. Kane ka prokram kan dei kaba khot Chief Minister’s ELEVATE Program bad kan dei ka single window ka ban khmih ia baroh ki jingdonkam jong ki nongsengkam haba seng kam”.
Ha kane ka prokram, ka Sorkar kan ai jingkyrshan haduh 35-75% sha ki nongsengkam shimet, ki kynhun, ki seng na ki shnong ki thaw bad ki Dorbar Shnong ba kin sdang ia ki kam ki jam.
Kane ka prokram ka kynthup ruh ia ka jingthied ia ki kali kit mar rep kynthup ki mini truck, ki kali kit nongshangkai pyrthei kynthup ki caravan, ki kali rem dur, ki kali electronic bad minibus, ka jingshna ia ki warehouse, comman facility centre, green toursiem villas, ka jingshna ia ki polyhouse ka horticulture bad ka jingshna ia ki dairy unit bad ki farm ri sniang, syiar bad ki blang.
“Ki project kum ka jingshna ia ki cinema hall, health club, music studio, ki kam ialehkai ruh lah ban leh eiei hapoh ka CM-ELEVATE prokram” ula pyntip.
“Ngi buh thong ban kyrshan kumba 20,000 tylli ki business hapoh kane ka prokram ha kine ki san snem ban wan” ula bynrap.
Ula ong ruh ba ka Sorkar kan sa ai subsidy bad ka jingiatreikam ban lah pyniaid ia ki kam ki jama da ka jingiatreilang bad ki Bank.
Pule ruh: Khlei u Conrad ia 10 tylli ki jingkular, pruid dak ia ki thong ba 5 snem ban tei ia ka Meghalaya
