Guwahati, Nailar 07 : U Myntri Rangbah ka Assam Himanta Biswa Sarma ha ka sngi U Blei ula pynbna ba ka jingrakhe ia ka jingioh laitluid ka Ri ne Independence Day kan sdang noh naduh ka 8 tarik Nailar ha Jylla da ki prokram bapher bapher ha manla ki shnong ki thaw.
Haba iakren bad ki nongthoh khubor, u Himanta ula ong ba ka Jylla kan kynmaw burom ia ki Nongiakhun Laitluid bad ki riewshlur jong ki bor pahara da kaba pynieng ia ki mawthoh kyrteng ha manla ki shnong, ka ban long ha ka 8 tarik Nailar.
“Ka jingrakhe ia ka sngi Laitluid kan pher bha na ki snem bala leit noh. Ngi la rai ban pynlong ia ki prokram bapher bapher. Naduh ka 9-14 tarik, baroh ki gaon panchayat kin thung haduh 75 tylli ki symbai dieng ban rahe ia ka Azadi Ka Amrit Mohatsav” ula ong.
Ula pyntip ba ki Pulit ka Assam kin pynlong ia ka Special March ha ka 13 tarik Nailar, ha sawdong ka Dighalipukhuri Tank kaba don ha Central Guwahati. Nga kyrpang ia baroh ki nongshongshnong ba kin pynher ia ka lama lai rong hala ki jong ki Iing ki sem.
U Himanta ula ong ruh ki khiew ryngkat ka khyndew yn sa wanrah naduh ka 23 tarik Nailar na man ki shnong ka Assam bad ia kine yn sa rah sha Delhi ban thaw ia ka Azadi Ka Amrit Mohatsav Memorial bad ka Amit Vatika, kum ka jingleh burom khatduh ia ki nongiakhuh laitluid.
