Shillong, Naitung 20: Ka Food Corporation of India (FCI) hynne ka sngi kala pynbna ban pyntreikam noh daka Open Market Sales Scheme Domestic ( OMSSD) ban lilam ia u khaw sha ki lew ki hat man ka taiew.
Ia kane la pynbna da u General Manager ka FCI u S.K Yadav haba iakren bad ki nongthoh khubor bad pynpaw ruh ba kane kan iarap iaka FCI ban peitngor iaka dor jong u khaw bad u kew naka bynta ka jingmyntoi ki paidbah.
U S.K Yadav ula iathuh ba ka kudam hapoh ka jingkhmih ka North East Frontier (NEF) kala kiew kumba 40 % hapoh lai snem kata naka 87070 MT shaka 122636 MT.
Ula iathuh ba ka FCI kan sa tei ruh ia ki kudam kaba ngiam kumba 88000 MT ba buh ia u khaw bad kew ha kylleng ka jylla Meghalaya bad kiwei ki jylla ka thain shathei lammihngi (North East) lyngba ki skhim bapher bapher.
U S.K Yadav ula iathuh ruh kumba 7.5 Lak Metric Tons ki marbam khlem da donkam siew la sam shaki paidbah lyngba ka skhim Pradhan Mantri Garib Kalyan Anna Yojana (PMGKAY) bad 100% u khaw Fortified Rice lyngba ka NFSA bad kiwei kiwei ki skhim hapoh ka OMSS (D) ban pynthikna ka jingiaid beit ka Food and Nutritional Security naduh u Iaiong 2020 haduh Nohprah 2022.
Pule ruh: Mynjur ka Sorkar ban pynduh noh ia ka Ranjeel Lal University Act
 hynne ka sngi kala pynbna ban pyntreikam noh daka Open Market Sales Scheme Domestic ( OMSSD) ban lilam ia u khaw sha ki lew ki hat man ka taiew){kind=link}