Shillong, Naitung 18 : Ki Pulit ka West Khasi Hills ha ka sngi Balang, kila ioh ban tam ia ka metiap jong u Hubert Marthong, uba shah rong ha ka umsaw jong ka Wah Blei myn ha ka 17 tarik Jylliew ha ka thain Maweit.
Ki Pulit ki pyntip ba ia kane ka metiap la lap da ki katto katne ngut ki rawon kiba ialeit khwai ha Wah Blei.
Ki Pulit ki iathuh ba u Hubert u dei uwei napdeng ki lai ngut ki rawon kiba shah rong ha ka umsaw jong ka Wahblei ha Maweit.
Ia ka metiap bala kem pyut la lap n aka Sdad Tynniew Wah Blei. Kane ka dei ka met kaba ar bala ioh ban tam bad ia ka met u Hubert la lah ban pynithuh da ki bahaiing hasem.
Lah ban kdew ba laingut ki rawon ba kyrteng u Shilingbest Langrin, Hurbert Marthong bad Kmenlang Nonglang kila jah rngai ha ka jingleit khwai doh ha ka 17 tarik Jylliew ha Wah Blei. Kine ki laingut kila iakhwai sahmiet ha ka dewlynnong bala tip kum ka Sdad Dylla.
Ia ka jingjah rngai jong kine ki briew ym shym la tip thikna hynrei la suba jur ba ki shah rong ha ka umsaw kaba wan poi sha kane ka jaka hadien ka jingther u slap sha ki bynta ba shaneng jong ka Wah.
Ia ka metiap u Shiling Best Langrin la ioh ban tam tang hadien arsngi ba jia kane ka jingjia kata ha ka 19 tarik Jylliew. Kat haduh mynta, ym pat lapdien satia ia ka metiapa u Kmenlang Nonglang.
