Imphal, Naitung 13: Arngut ki Pulit Commando ka Manipur, kila shu lait salit na ka jingshah rahbor ha ka kynhun ki riew kiengatiar ha ka step sngi Balang najan ka Moreh Gate No 2 ha Tengnaupal District.
Kat kum ka khubor Pulit, la iathuh ba katto katne ki riew kiengatiar ba suba jur ba ki dei na ka kynhun KNA bad UKLF, kila wan da ki Autorickshaw bad hylla ia arngut ki Pulit, Balu bad Robinson kiba don ha ka jain iing ba kin sangeh.
“Kine ki arngut ki Pulit haba pyrshang ban phet na kane ka jaka, kila shah khang lynti ha kawei pat ka Autorickshaw kaba la tynrah ia u Balu. Kine ki riew kiengatiar kila sdang ban synreit kuli da ka jingthmu ban rahbor ia kine ki arngut ki Pulit” ong ki Heh Pulit.
La iathuh ba kine ki Pulit Commando ba phong jain iing, ki la mih ban leit thied jingthied kynthup ia ki marbam bad ki dawai na Moreh Gate No 2 bad na Nepali Basti.
Pule ruh: Mih ki karkhana coke be-ain ba don ka jingtih dewiong beain, ong u Justice Katakey
