Tura, Naitung 13: U Justice BP Katakey, Judge ka National Green Tribunal (NGT) ia uba la thung da ka Iingkashari Meghalaya High Court ban khlieh ia ka Committee halor ki kam dewiong ha Jylla, ula ong ba ka jingmih ki karkhana coke ba beain ba kum ki tit ha West Khasi Hills bad East Jaintia Hills kala urlong namar ka jingioh pahuh ia u dewiong bala tip beain ha ka thain la bun snem mynta.
U Katakey uba la don ha Ri-lum Garo ban lum jingtip ia ka jingtih dewiong thliew khnai ha Ri-lum Garo, ula iathuh b aka jingleit survey ia ki jaka tih dewiong lyngba kidrone kan iarap bha ban pynthikna ia ka jingpynduhjait ia ka kam tih dewiong ba beain.
U Justice Katakey ula poi ha ka sngi Balang ha South Garo Hills District ban pynthikna ia ki jingkynnoh tih dewiong beain halor ka jingjur ka jingujor na ki kynhun sengbhalang bad nongmihkhmat paidbah haba iadei bad ka jingtih dewong beain ha ki thain Nangalbibra.
“Namar ka jingtih dewiong beain bad jingkhaii, katto katne ki karkhana kila mih beain khamtam ki karkhana coke bad ki ferro alloy bad kiba bun na kine ki dei kiba don ha ka thain Shallang, Wesr Khasi Hills bad East Jaintia Hills. Ki karkhana coke kila mih kum ki tit ha ki jaka ba jur ka kam tih dewiong beain” kdew u Justice Katakey bad pynpaw ba palat 50 tylli ki karkhana coke beain kiba la treikam, kila shah khang khyrdep ha ka NGT ha ka por jong u kum u Judge.
“Katto katne na kine ki karkhana ki dei kiba la ioh jingbit na ka Sorkar hynrei don ruh ki bym pat ioh jingbit hynrei kim shym la ioh pat ia ka jingbit na ka Pollution Control Board” ula pynpaw haba suba jur ba ka don ka jingiatreikam lang hapdeng ki Heh Sorkar bad ki bor Sorkar bad kane ka kam.
U Justice Katakey haba iakren bad ki nongthoh khubor ha Baghmata, ula ong ba ula wan sha kane ka District ban lum ia ki jingtip halor ki jingkynnoh ba jur ka jingtih dewiong beain.
“Nga la ioh pdiang ia ki jingujor na ki nongshongshnong ka Ri-lum Garo halor ka kam tih dewiong beain, ta ka daw nga la wan hi dalade sha kane ka jala” ula ong.
 ia uba la thung da ka Iingkashari Meghalaya High Court ban khlieh ia ka Committee halor ki kam dewiong ha Jylla, ula ong ba ka jingmih ki karkhana coke ba beain ba kum ki tit ha West Khasi Hills bad East Jaintia Hills kala urlong namar ka jingioh pahuh ia u dewiong bala tip beain ha ka thain la bun snem mynta.){kind=link}