Tura, Naitung 12: Ki Nongshongshnong ka Chenggapara, West Garo Hills, ha ka sngi Balang, kila iakynduh ia u Deputy Commissioner ka District bad dawa ban siew ia ka bai lutksan ba shirta jingim ia kito ki lanot kiba shah bat bording ha ka shnong Chenggapara.
Kane ka jingjia kala jia ha ka 9 tarik Naitung por 11:30 baje mynstep ha kaba lai ngut ki briew kila mynsaw bad uwei u rangbah ula iap hashen, uba kyrteng u Brain Marak.
Kawei ka Longkmie ba kyrteng ka Epsilla N Marak, kaba dang pun phra bnai ia i khun hakpoh, kala iapler bad kyllon na ka jingbat kynsan ka bording. Ia kane ka Longkmie la ialam sumar ha Purakhasia Hospital.
Ki Nongshongshnong kila kynnoh ia ka kompani shimet bala pyniaid ia ka jingsam bording namar ka jingtorti ha kaban pynbiang ia ka lain bording ba pynpoi bording sha ki shnong ki thaw.
Ki Nongshongshnong ka Chenggapara kila ujor ejahar pyrshah ia ka MePDCL ha Purakhasia Police Station ha ka 9 tarik Naitung bad kynnoh ba ka MePDCL kam shym la khmih bha ia u lain bording ba 11 KV, kaba lam sha ka jingpar ka bording ha ka shong Chenggapara baroh kawei.
Ha ka kyrwoh bala phah sha ki lad pathai khubor, ki nongshongshnong kila dawa ban siew ia ka bai lutksan sha ka longiing jong u briew ba iap bad ruh ka bailutksan sha ki briew kila mynsaw namar kane ka jingjia.
Pule ruh: Kynthoh tyngeh ka KHNAM ba pynjari 144 CrPC ha Shillong : Kubur ka Sorkar bym larkam ki Pulit
