Shillong Naitung 08: U Myntri Rangbah ka jylla u Conrad K. Sangma, hynne ka sngi Saitjain ula plie iaka National Law University (NLU) ha ka jaka pule kaba shipor, kaba don ha Mayurbhanj Complex, Shillong.
Ha katei ka jingialang la iadonlang u Chief Justice ka Meghalaya High Court, u Sanjib Banerjee, u Myntri ka pule puthi u Rakkam A Sangma bad Vice Chancellor jongka University, Prof Indrajit Dube.
Haba kren ha ka jingialang u Conrad Sangma, ula banjur iaka jingkongsan ban buh jingthoh kyrpang bad ban pynlong aiñ ia ki aiñ ki kanun kiba la don bad bud lypa naduh mynshwa da ki riewlum bad ula pynpaw ba ka NLU kadei ban long kum ka jaka pule kaba kongsan ban leh iaki jingwad bniah ha kaba iadei bad ki aiñ kiba ka don lypa naduh ki por hyndai hynthai haka thain shatei lam mihngi.
Ula ong, ba ka jingseng iaka NLA kan wanrah iaka jingkylla kaba bha ha kaba iadei bad ka jingpule ia ki aiñ ki kanun bad ka jingwad bniah ha ka jylla Meghalaya bad ula kubur ruh ba ki iingkashari kila mad iaki jingeh kiba bun ha kine ki 50 snem kiba la leit namar ka jingbym don ki jaka pule kiba biang kiban ai jinghikai bad iaka jingnang jingstad kaba paka.
Ula pynpaw ba da ka jingdon ka NLU kan pynthikna ban ai iaka jinghikai bad iaka jingnang jingstad ha ka lain ka aiñ bad kiwei kiwei ki jingshakri.
U Myntri Rangbah ula pynpaw iaka jingkyrmen ba ka NLU kan leh ia ki kam kiba thymmai, kan wad bniah bad ban don ruh iaka pyrkhat pyrdain kaba paka bad ka jingdon ia ki jingpule ha ka laiñ Business Administration, Policy Research bad Data Sciences ryngkat bad ka Law, kan iarap ia ki samla pule ba kin lah ban iakhun ia ki jingeh kaba kin iakynduh ha ka jingim ka jongki.
Ula banjur ruh iaka jingdonkam ban phaikhmat ha kaba iadei bad ka jingkylla ka suinbneng.
U Myntri Rangbah ula ong ba ka NLU Data Science course kynthup bad ka Law, kadei kaba nyngkong eh ha ka ri bad kum kane ka Course kaba thymmai ka thmu ban pynkhreh ia ki samla ban don ia ki sap ki phong bad ka jingbtbit kaba ki donkam ban don ha ki.
Ka sorkar jylla kala bhah T. 25 Klur ban pynbiang iaki jingdonkam baroh ha katei ka jaka pule kaba shipor ha kaba la dep ban pynlut haduh T.19 Klur.
U Myntri Rangbah ka jylla ula pynpaw iaka jingkyrmen ba kane ka jaka pule, ia kaba la pyndonkam mynshwa da kiwei pat ki jaka pule, kan iai bteng ban ai ka jingshakri katba ka jingpynkhreh ban tei iaka jaka pule kaba pura jong ka NLU ka dang iaid shakhmat.
U Chief Justice ka Meghalaya, ula pynpaw ba kane ka jaka pule kaba kham pher kaba iaid ryngkat bad ka riti dustur tynrai bad kane ka juk kaba mynta bad ka long ruh ka jingpynkhreh na ka bynta ka lawei.
U Chief Justice ula pynpaw ba ka NLU kan phaikhmat kyrpang ha ka jingpule kaba iadei bad ka cultural bad tribal laws, da ka jingthmu ban pynlong aiñ noh ia ki kyndon aiñ kiba la don bad bud ryntih naduh ki por hyndai bad ban sngewthuh iaka jingitynnad bad iaka jingpdiang da ka imlang sahlang.
U Myntri ka pule puthi u Rakkam A Sangma ula banjur iaka jingdonkam ba ka NLU kan wanrah iaka jingkylla ha kaban pynwandur iaka lawei jong ka jylla bad ka NLU kan long ruh kum ka jaka pule kaban ai jingnang jingstad ia ki samla pule khnang ba kin lah ban noh synniang kylla na ka bynta ka bha ka miat jong ka jylla.
Pule ruh: Manipur : Pynlong rally palat 150 ngut ki samla pule Doktor ban pyrshah ia ka kam iaumsnam
 ha ka jaka pule kaba shipor, kaba don ha Mayurbhanj Complex, Shillong.){kind=link}