Shillong, Naitung 07 : U Myntri Rangbah ka Jylla Conrad K Sangma ha ka sngi Thohdieng, ula pyllait paidbah ia ka project ban kyntiew ia ka jingiaking lieng bala tip kum ka rafting/kayaking ha Wah Umtrew, ha ka Shillong White Water Village kaba don ha ka shnong Umtham, Ri-Bhoi District.
Haba sam ia ki dur ba iashon ha Twitter, u Conrad ula pynbna da kaba thoh “Ngi la pyllait ia ka project ban kyntiew ia ka jingialehkai rafting hapoh ka Jylla mynta ka sngi ha shnong Umtham, Ri-Bhoi”.
“Ka jingiaroh kaba khraw ia ka Ri-Bhoi Rafting Tourism Cooperative Society halor ka jingpyrshang ba khlem shongthait ban ai jinghikai bad ban pynpaw nam ia kane ka jingialehkai ba isyier bha hapdeng ki samla ka Jylla” ula ong.
U CM ula ong ruh ba u kmen ban tip ba ki trai shnong ka thain kila iashimbynta ha ki lympung iakieng liang hapoh ka Ri bad shabar Ri ruh kumjuh, ban pyni ia ka sap jong ki sha ka pyrthei.
Ula kular ruh ba ka Sorkar Jylla kala kut jingmut ban ai ka jingkyrshan ia ka Rafting Cooperative & Tourism Society bad ban nang kyntiew shuh shuh ia kane ka jingialehkai sha kawei pat ka kyrdan.
We have officially launched a project to promote rafting in our State today at Umtham village in Ri-Bhoi.
Huge applause to the Ribhoi Rafting Tourism Cooperative Society for their tireless efforts in training and popularizing this thrilling sport among the local youth.
I am… pic.twitter.com/XaMItwgjaa
— Conrad K Sangma (@SangmaConrad) July 7, 2023
U Myntri Rangbah uba la don ha Ri-Bhoi, ula iakynduh bad iakren ruh bad ki nongrep kiba rep ia ki jingthung sma iwbih kat kum ka flagship program ka Jylla bala tip kum ka Meghalaya Aroma Mission ha shnong Byrwa.
Pule lang ia kane: Leit jngoh u Conrad ia ka jaka rep jingthung sma iwbih ha shnong Byrwa
