Nongpoh, Jylliew 30: Ka skul Alpha English Higher Secondaru School, Nongpoh kala plie paidbah ia ka Computer Science Laboratory ban pynsah nam ia iwei I Nonghikai barim ka skul Kong SS Blah (Bam Kwai Ha Dwar U Blei) iba la noh synniang shikatdei eh ban pyntiew ia kane ka shlem ai jingnang jingstad.
Ia kane ka Computer Science Laboratory la plie da u Bah Mayralborn Syiem MLA ka Nongpoh kum u kongsan ha ka jingiadonlang u Bah Eric Calvin Dkhar BDO Umling C&RD Block, Kong P L Nonglait DSEO Ribhoi District, Bah RP Blah, Chairman Alpha College of Arts and Commerce, W K Blah, Principal Alpha English Hr. Sec. School, Pastor KB Kharbteng, Ki nonghikai lem bad ki Khynnah Skul.
Ia kane ka Laboratory la pynmang pisa na ka Chief Minister Special Development Fund 2021-22 ha kaba kin don haduh 25 tylli ki kor computer lem bad ka jingpynbit pynbiang ia ka internet WiFI bad ka jingdon jong ka bording ilektrik kaba paka ban lait na ka jingshah pynthut na ka jinglip bording khahkhah.
U Bah Mayral Born Syiem, haba ai jingkren u la pynpaw ia ka jingkmen ban sakhi ba kane ka shlem ai jingnang jingstad ka la nang pynkhlain shuh shuh ia ki lad ai jingnang jingstad da ka jingplie sa ia ka Computer Science Laboratory kaban long shisha ka jingmyntoi kaba khraw na ka bynta ki khynnah pule jong kane ka skul.
U Bah Mayral u la ai ruh ïa ka jingïaroh ïa ki nonghikai, Pricipal bad ki kmie ki kpa jong ki khynnah pule kiba la long shisha kita ki 3 tylli ki païa kiba skhem na ka bynta ki khynnah bad dei lyngba ka jingstad bad ka jingshemphang jong ki ba ka skul ka la lah ban pynmih ïa ki khynnah pule kiba stad bad kiba don jingkyrmen naka bynta ka jylla.
Ha kane ka sngi, la pynkup burom ruh ia ki 4 ngut ki khynnah pule kiba la kyntiew ïaka nam bad ka burom jong ka skul da kaba wan ha ka kyrdan top 10 bad top 20 ha ka result jong ka MBOSE ha ka SSLC bad HSSLC 2023 bad ruh la pyn don burom ruh ïa ki nonghikai jong ka Education Department bad Commerce Department jong kane ka skul.
Pule ruh: Lum ka tnad TB ia ki Rangbah Shnong ha Umling C&RD Block ban iakhun ia ka TB
 iba la noh synniang shikatdei eh ban pyntiew ia kane ka shlem ai jingnang jingstad.){kind=link}