Shillong, Jylliew 30: U National President ka National People’s Party (NPP) bad Myntri Rangbah ka Jylla Conrad K Sangma hynne ka sngi Thohdieng, ula kyntu ia ka Sorkar Pdeng ba kan shong bishar ia baroh ki lad ki lynti bad ban leh eiei mardor ha kaban wanrah noh ia ka jingshongsuk ha Jylla Manipur.
Haba iakren bad ki nongthoh khubor, u Conrad ula ong ba ka jinglong jingman ha Manipur ka dei kaba jyrwit jyrwat bha.
“Ki don shibun ki daw hangtei bad namar kane, ka Sorkar India kan hap ban shong bishar ia baroh ki lad ki lynti bad kane ka dei kaba nga kwah ban ong bad ba kan leh eiei noh marmar hi” ula ong.
Haba pynpaw ba kano kano ka rai kan don beit ia ki jingkylla bad ki jingktah, u Conrad ula ong “Kum ka party ka kwah ba ka Sorkar India kan shong bishar ia baroh ki lad ki lynti kiba iaid kat kum ki kyndon jong ka Riti Synshar ka Ri namar haba kut ka sngi, kum ka Political party ngi kwah ia ka jingsuk bad jingshngain b aka don..ngi kwah ba kiei kiei kin long biang kumba ju long baroh shikatta” ula bynrap.
Kat kum ka jingong jong u, ki briew ka Manipur kam pher ki dei na ki jaidbynriew aiu, kila mad ia ki jingjynjar bad jingsohsat ka jingim.
“Ki riew paidbah kila sdang mad ia ki jingeh bad ka la don ka jingktah ia ka jinglongbriew manbriew bad la donkam ban leh eiei ha kaban pynjai jai noh ia ka jinglong jingman bad ban wanrah biang ia kiei kiei baroh kumba ju long baroh shikatta” ula ban jur.
Pule ruh: Pyllait u CM ia ki kali kit Nongjngohkai, aiti ia 12 tylli ki Innova Crysta sha ki Tour Operator
 bad Myntri Rangbah ka Jylla Conrad K Sangma hynne ka sngi Thohdieng, ula kyntu ia ka Sorkar Pdeng ba kan shong bishar ia baroh ki lad ki lynti bad ban leh eiei mardor ha kaban wanrah noh ia ka jingshongsuk ha Jylla Manipur.){kind=link}