Shillong, Jylliew 27: U Chief Whip ka sorkar jylla Bihar Dilip Jaswal hynne ka sngi ula pynksan baka sorkar pdeng haka jingialam u Myntri Rangbah duh ka ri Narendra Modi, kala pynkhreh iaki buit (Formula) kumno ban wanrah biang iaka shongsuk shong shngain hapoh ka jylla Manipur kaba dang don hapdeng ka jingiakynnad.
U Dilip Jaswal ula kren ia kine ki kyntien ha nongbah Shillong hadien ka jingialang jong ka Bharatiya Janata Party (BJP) Meghalaya ban rakhe iaka jingdap 9 snem ka sorkar pdeng ba ialam daka BJP bad u Myntri Rangbahduh ka ri India u Narednra Modi.
Haba kren sha ki lad pathai khubor u Jaswal ula iathuh ba naduh ka sngi nyngkong ba khie ka thma iapher jaidbynriew ha Manipur, ka sorkar pdeng kala shim khia bad kala wad jingtip halor ka jinglong jingman ka shong suk shong shngain hapoh katei ka jylla.
“Hapoh ka jingialam u myntri rangbaduh ka ri India u Narendra Modi, ka sorkar pdeng kala phah iaki kynhun myntri sorkar ba kynthup u myntri ka tnat kam pohïing u Amit Shah sha Manipur ban peit thuh bad ban lum jingtip haba iadei bad ka shong suk shong shngain hapoh katei ka jylla” la ong u Jaswal.
U Jaswal ula iathuh ruh baka sorkar pdeng kala phah ruh ia u myntri khynnah ka tnat kam pohïing bad ula sah palat 20 sngi hapoh ka jylla Manipur namar ka sorkar ka don jingthrang ban wanrah biang iaka shong suk shong shngain hapoh katei ka jylla.
Haba kylli balei u Narendra Modi u khlem leit jurip iaka jylla Manipur, u Jaswal ula ong shen u myntri rangbahduh ka ri un sa leit hi da lade shapoh katei ka jylla hynrei watla kata ruh man ka por u ju lum jingtip haba iadei bad ka jinglong jingman hapoh katei ka jylla namar udei uwei u myntri rangbahduh ka ri u ba kham ieid iaka thain bad iaki paidbah ka thain Shathei Lammihngi.
“U myntri rangbahduh u tip halor ka jinglong jingman hapoh ka jylla Manipur bad shen un sa leit ban jurip” la ong u Jaswal.
U Jaswal ula kam ruh ba tang hapoh 9 snem ba u Narendra Modi ula long kum u myntri rangbahduh ka ri India ula leit jurip palat 50 sien iaka thain North East hynrei ka sorkar Congress kaba synshar palat 70 snem iaka India kam shym la jurip iaka thain.
 Meghalaya ban rakhe iaka jingdap 9 snem ka sorkar pdeng ba ialam daka BJP bad u Myntri Rangbahduh ka ri India u Narednra Modi.){kind=link}