Imphal, Jylliew 27 : U Myntri Rangbah ka Manipur N Biren Singh ha ka sngi Ba-ar, ula leit jngoh ia ki lanot thma iapher jaidbynriew kiba riehtngen ha Khuman Lampak Sports Complex.
U Biren Singh ula sam paidbah ruh ia ki dur halor kane ka jingleit jngoh jong u bad ong “Ka Sorkar Jylla kala kut jingmut ban kyrshan ia ki briew ba shah ktah bad kan ai ia ki jingdonkam baroh sha ki lanot. Kan ai song pisa bad jingiarap kum shi bynta na ka lad ban iarap pat ia kine ki briew kiba la phetwir”.
U Biren Singh ula leit iakynduh ia u Myntri kam Pohiing ka Ri Amit Shah ha Delhi ban batai ia u halor ka jinglong jingman kaba dang long mynta ha Manipur.
Ula ong ba da ka jingiarap u Amit Shah, ka Sorkar Jylla bad Sorkar Pdeng kila lah ban tehlakam katto katne ia ki jingiaumsnam ha kine ki taiew bala leit noh.
U Amit Shah ula kular ruh b aka Sorkar kan shim ia baroh ki sienjam ba la lah ban wanrah pat ia ka jingshongsuk ha Manipur.
Pule ruh: Hiar test formalin ki Ophisar ka Fisheries ia ki Dohkha ha Iewduh
