Shillong, Jylliew 26 : Ki Heh ka Tnad Animal Husbandry & Veterinary, kila pyntip ba palat 100 tylli ki masi kila iap hapoh ka Jylla namar ka jingpang Lumpy Skin Disease (LSD) kaba khlain ka jingiabit bad palat 8000 tylli ki masi ki dei kiba don jingpang LSD hapoh ka Jylla ia mynta.
Ki Heh ka Tnad kila pyntip ba haduh mynta, palat 28,500 tylli ki masi la dep ban ai injek ban tehlakam ia ka jingsaphriang jong kane ka jingpang.
Ki iathuh ba ka jingdon jong ki masi bala iabit ia ka jingpang LSD kila kot sha ka 8177 tylli bad na kine, 5884 tylli kila ioh pat ia ka jingkoit bad 101 tylli ki masi kila iap.
La pyntip ba palat 28500 tylli ki masi lah dep ban ai injek ban iada ia ka LSD bad palat 2100 tylli ki don ha ki jingiabit LSD ha ki kyrdan bapher bapher.
Ka Tnad ka kam ruh b aka jingpang Africal Swine Flu jong ki sniang ka dei kaba la lah ban tehlakam ia mynta bad kane ka jingpang kala shim haduh 230 tylli ki jingim jong ki sniang naduh u kyllalynkog 2023.
Pule lang ia kane: Biren Singh : Kular u Amit Shah ban leh katba lah ban wanphai ka jingshongsuk ha Manipur
