Shillong, Jylliew 15: U Myntri ka tnat Tribal Affairs ka Tripura Vikash Debbarma hynne ka sngi Palei, ula wan ban kynduh ia u Myntri ka sorkar Meghalaya bah Paul Lyngdoh bad kyrpad iaka sorkar jylla ba kan ai jaka lem naka bynta ban tei iaka Tripura Bhawan bad ka Hostel ha nongbah Shillong.
Haba kren sha ki lad pathai khubor u Vikash Debbarma ula ong ba ki don shibun ki samla pule bad ki nongshong shnong ka jylla Tripura kiba don ha Shilolng bad dei namar kane ka long kaba donkam ban don daka Tripura Bhawan bad ka Hostel naka bynta ban pynbit pynbiang iaki jaka sah jong ki samla pule bad kiba wan donkam ha Shillong.
U Vikash Debbarma ula ong baka jingia kynduh ia ki Myntri sorkar Meghalaya ka long kaba seisoh namar kila pynpaw ka jingkloi ban shim khia iaka jingeh ba iakynduh ki nong shong shnong ka jylla Tripura.
“Nga ai khublei iaki Myntri sorkar ka Meghalaya namar ka jingkular ban shimkhia ha kaban pynbiang jaka naka bynta ban tei iaka Tripura Bhawan bad ka Hostel hapoh ka thain New Shillong bad ia kane ka rai ba khatduh yn sa shim hadien ka jingiakynduh biang bad ki heh sorkar Meghalaya bad Tripura” ong u Vikash Debbarma.
