Guwahati, Jylliew 11: Ha kawei ka jingjia ba shyrkhei, arngut ki briew kila iap hashen na ka jingshah rat ha ka rel hapoh Karimganj District.
Kine ki arngut kiba iap ki dei kiba la ithuh kyrteng da Archana Nath bad Jayanta Das.U Jayanta u dei uba na ka shnong Chandrapur, Bazaricherra katba Archana dei na Baraigram.
Kat kum ka khubor, kane ka jingjia kala jia ha ka janmiet sngi Thohdieng ha ka por 2:40 baje hapdeng ka shnong Baraigram bad Kanaibazaar Railway Station.
Ha ka step sngi Saitjain, ki Pulit ka Railway jong ka Baraigram Outpost kila ioh tam ia ki metiap bad la kit ia ki sha Karimganj Civil Hospital ban leh post mortem.
