Shillong, Jylliew 11: Ka jingshlei um ha ki thain Pynthor bad Polo, kala wan jia biang da ka jingther u slap hynnin baroh shi miet, namar ka jingbym biang ki nala bad ki lynti iaid ka um.
Da ka jingwan ka lyiur, shibun ki jingeh na ki jingshlei um kila mih hapoh kane ka Nongbah bad kaba hakhmat dei ka dei ka jingbym biang ki nala, kala la pynsahkut ia ka um ban iaid lynti haduh ba kala shlei lut sha ki surok bad sha ki iing briew.
Kane ka jingeh ka dei kaba ju mad manla u snem da ki nongshongshnong ka thain Pynthor bad Polo hynrei ki bor Sorkar kim shym la leh eiei satia halor kane ka jingeh kat haduh mynta mynne.
Namar ka jingiai bteng ka jinghap slap, ka jinglang ka um ha kane ka thain kala long kum ka jngshlei um bad pynthut lut ia ka iaid ka ieng ki briew.
Kum kane ka juh ka jinglong jingman la sakhi ruh ha ka sngi Thohdieng ha kaba bun ki jaka kila kylla long kum ki pung ba shlei da ka um slap.
