Itanagar, Jylliew 6 : Ka Indian Meteorological Department bad ka Centre for Earth Sciences and Himalayan Studies(CES&HS) ha ka sngi nyngkong, kila iasoi ia ka Memorandum of Understanding (MoU) ban pynieng ia kumba 100 tylli ki Automatic Weather Station ha Arunachal Pradesh.
Ia kane ka MoU la iasou da u Secretary ka Science & Technology ka Arunachal Repo Ronya bad u Khlieh ka Regional Meteorological Centre (RMC) KN Mohan na ka bynta ka IMD bad Arunachal Pradesh ha ka jingiadonlang u Myntri ka Earth Science Kiren Rijiju, u Myntri ka Science & Technology ka Arunachal Honchun Ngandam bad u Scientist kaRMC (f) Dr Sanjayh O’Neill Shaw.
Haba iakren bad ki nongthoh khubor ha kane ka jaka, u Myntri Kiren Rijiju ula ong “Ki paidbah ka Arunachal Pradesh kin sa iohnong bha na ka jingioh ia ki jingbatai lypa ia ka suinbneng bad ki jingmaham da ka jingbun ki jaka treikam ka Meteorological ha ka Jylla”.
Ula ong ruh ha ka twitter ba “Kane ka jingiatreilang ban nang pyniar ia ka jingtreikam ki weather station, ban sam ia ki jingkhein jingdiah bad ban kyntiew ia ka jingshakri”.
Ha kajuh ka por, u Director ka CES &HS Tana Tage ula pyntip ba ka MoU kan sa wanrah ia ka jingiohnong kaba bha bha halor ki kam wad bniah na ka bynta ki jingmyntoi ka imlang sahlang, ki ban sa leh da ka Tnad”.
