Shillong Jylliew 01: Ka Khun Hynniewtrep National Awakening Movement (KHNAM) ka pynpaw ia ka jingpyrshah halor ka hukum ba la pynmih da ka District Administration ban pyniaid Odd/Even ia ki kali kamai kiba rung sha Khyndai Lad bad Motphran.
Halor kane ka KHNAM kala ai jingmut ia ki bor pyniaid ka District ba kin pyniaid Odd/Even ia ki kali shimet (Private) ym ban pyniaid Odd/Even ia ki kali kamai.
“Ban weng ia ka jingkhapngiah na kane ka nongbah, kan jin da la bha eh ba kin pyniaid Odd/Even ia ki kali shimet ban ia kaba pyniaid ia ki kali kamai namar kane ka lah ban ktah ia ka kamai sngi jong ki” la ong ka kyrwoh na u Vice President ka KHNAM u bah Thomas Passah.
Ka kyrwoh ka kdew ruh ba ki bor district kidei ban peit bniah ba ki bos kim dei ban ieng ha shi lynter jong ka surok ha Khyndai Lad namar kane ka la pynlong ia ka jingkhapngiah.
