Shillong, May 31, 2023: Ka Tnad ialehkai ka Jylla hynne ka sngi Balang, kala plie pyrda iaka Chief Minister’s State Level Inter-School Athletic Meet 2023 kaba la pynlong ha SAI, STC Shillong, NEHU Campus ha kaba 818 ngut ki nongialehkai na kylleng ki District kila wan ban iashimbynta.
Ia kane ka lympung ialehkai la plie pyrda da ka Kong Isawanda Laloo, Director, jong ka tnad Sports & Youth Affairs kum ka kongsan ha kaba la iadonlang u Working President ka MSOA u Bah John F. Kharshiing, u Assistant Director ka Sports & Youth Affairs u Bah P.B War Nongbri bad ki heh ophisar ka tnad Sports & Youth Affairs.
Kila don 818 ki nongialehkai na kylleng ki district jong ka jylla kiban iashimbynta ha kane ka lympung iakob kaba la sdang naduh ka 31 tarik u Jymmang haduh ka 2 tarik u Jylliew 2023.
Ka Kong Isawanda kala kyntu ia ki nongialehkai ba kin kyntiew iaka mynsiem kum ki nongialehkai bad ka kyrmen skhem ba lyngba kane ka lympung ki nongialehkai kin iathuh paralok, kin long kiba don akor, kiba don iaka mynsiem iai shah bad ka jingkut jingmut kaba skhem.
“Ka jingialehkai kadei kaei kaei kaba ai jinghikai ha baroh ki liang ha ka jingim, kaei kaba phi ioh jinghikai na ka madan mareh ne madan ialehkai kan long ka jinghikai kava kongsan ha ka jingim” ong ka Kong Isawanda.
Ka Kongsan bad kiwei pat kila pynher ia ka lama kum ka dak jong ka jingplie pyrda ia kane ka lympung iakob.
