Shillong, Jymmang 20 : Ka Deputy Commissioner ka North Garo Hills Mitali Chandra ula pan ia ka kaiphod halor ka jingkynnoh donkti jong u Chief Executive Member (CEM) ka Garo Hills Autonomous District Council (GHADC) ban nym khang satia ia ka jingtih beain bad khaii ia u dewiong ha Ri-lum Jaintia.
Ka Chandra kala bthah ia u Superintendent of Police ka North Garo Hills, Divisional Forest Officer (T) ka East bad North Garp Hills, Divisional Mining Officer ka East bad North Garp Hills bad u Block Development Officer ka Resubelpara ban pynthikna ia kane ka jingkynnoh bad aiti ia ka kaiphod halor kane ka kam shuwa ka 26 tarik Jymmang.
Ha ka shithi, ka Chandra kala ong “Halor ka mat bala kdew haneng, nga phah sha phi ia ka copy jong ka shithi bala ioh pdiang na A Kharshiing, Under Secretary ka Tnad Mining & Geology ka Sorkar Jylla, Shillong bad ka shithi bala pyndait lang ba iadei bad ka jingujor pyrshah ia ka jingkhaii beain ia u dewiong bala kynnoh donkti lang u CEM ka GHADC”.
Halor kane, la kyrpad ia phi ban pynthikna ia kane ka jingkynnoh bad ban aiti ia ka kaiphod halor kane ka kam sha kaba soi ia kane ka shithi ha la shuwa ka 26 tarik Jymmang.
