Guwahati, Iaiong 16 : Ki Pulit ka Assam hynne ka sngi U Blei, kila iohban kurup ia bun bah ki bomb gelatine bad ki tikli na kawei ka bos kaba hiar na Meghalaya shaphang ka Goalpara.
Ia kane ka bos la ioh ban bat ha Krishnai, Assam bad ki bomb bala ioh kurup ki kynthup ia 1162 tylli ki galatine bad 998 tylli ki detonator.
Ki Pulit kila kem ruh ia uwei u briew na Rajabala uba la tip kyrteng u Abdul Malek, ong ki Heh Pulit ka Assam kiba iathuh ba ka jingioh kurup ia kine ki tiar pynbthei kala wan jia ha ka jingkhynra hadien ka jingioh jingtip ba tikna ia ka jingwan rah ia kine ki tiar na Meghalaya.
