Shillong, Lber 15 : U Nongialam ka BJP u Bah Alexander Laloo Hek uba long ruh u Myntri Sorkar ka jylla hynne ka sngi balang ula leit iakynduh ia ki Myntri ka Sorkar Pdeng ban pan ia ki kam pynroi na ka bynta ka Jylla Meghalaya.
U Bah Hek ula iakynduh ia u Myntri khynnah ka sorkar pdeng uba khmih iaka tnad Science and Technology Jitendra Singh ha ka iingsah ka jongu ban iakren ia ka jingdonkam ban kyntiew iaka jylla Meghalaya ha baroh ki liang.
U Bah Hek ula iakynduh ruh ia u Myntri Kam jngohkai bad DONER u Kishan Reddy ha ka ophis treikam ka jongu ha New Delhi ban iakren iaka jingdonkam ban kyntiew iaka eco-tourism bad fish sanctuary ha Meghalaya bad ban kyntiew iaka kam jngohkai ha ki thain nongkyndong kaban long ka lad ban aikam aijam bad ban khring iaki nongjngohkai ha ki jaka nongkyndong bad ban kyntiew ruh iaka Health Tourism lyngba ki nongai dawai tynrai.
Nalor kane u Bah Hek ula leit iakynduh ia u National General Secretary (organization) ka BJP u BL Santosh ha kaba ula iakren ha kaba iadei bad ki kam.jongka seng BJP ha Meghalaya bad ka jingpynkhreh na ka bynta ka elekshon MP Lok Sabha.
