Shillong, Lber 11: Kum shi bynta jong ka jingrakhe iaka “Azadi Ka Amrit Mahotsav”, hynne ka sngi, ka kynhun tem ne ka Brass Band jong ka Border Security Force (BSF) kala pynbyrngia ia ki paid nongjngohkai kiba la leitkai ha Ward’s Lake ne Nan Palok.
Katei ka kynhun kala leit ban tem ha katei ka jaka jngohkai da ka jingthmu ban pynsaphriang iaka khubor sha ki paidbah ba kin don ka jingiaieid, jingiatylli bad ia ka mynsiem ieid ri.
Ka Brass Band kala tem la puut ia ki sur jingrwai kiba sngewtynnad, kiba la khring bad pynshoh biej ia ki nongjngohkai bad ia ki paidbah kiba don ha katei ka jaka, ha kaba ki BSF kila pyni iala ka sap ka phong ha ka tem ka put.
