Shillong, Lber 06: Ka Khasi Hills Autonomous District Council (KHADC) hynne ka sngi kala mynjur iaka mang tyngka kaba kot haduh T.46,27,16,190 klur, ka ban treikam naduh 1 tarik Iaiong haduh 30 tarik Jylliew 2023.
Ia kane ka mang tyngka la wanrah da u chief executive member (CEM) ka KHADC u bah Titosstarwell Chyne hapoh ka ïngdorbar thaw ain jong ka KHADC.
Haba wanrah iaka mang tyngkat u bah Titos ula pyntip ba naka T.46,27,16,190 klur, la mang T.9,29,73,230 shaka General Administration Department, T.15,37,630 sha ka Law Department, T.2,11,70,910 sha ka Revenue Budget & Finance Department, T.2,38,94.710 sha ka Forest Administration Department, T.1,45,17,810 shaka Administration of Justice & Judicial Department, T.1,86,66,370 sha ka Legislative Department, T.3,40,370 sha ka Education Department, T.27,53,18,430 shaka Civil Works & Development Department bad T.1,42,96,730 sha ka tnat Enforcement Scheme ban iada iaki Tribal Land.
Naka liang u Chairman ka KHADC u bah Lamphrang Blah ula buh jingkylli hapoh ka ïng dorbar bad baroh ki dkhot kila ai ka jngmynjur ia kane ka mang tyngka, bad ka ïng ruh kala ai ka jingmynjur lang.
