Dibrugarh, Rymphang 23: Uwei u dkhot jong ka kynhun kieng atiar ULFA (I) u la wan ban pyndem noh ia lade ha ki bor pulit ha Dibrugarh, Assam ha kane ka sngi Balang ba la lah.
Ia une u dkhot ba la pyndem wait la tip kyrteng kum u Bikramjit Chetia ia uba ju tip bha ruh kum u Bikram Gogoi bad ba ju khot u Ranjit Asom uba la phet krad noh napoh ka ktem jong ka seng ULFA bad wan pyndem noh hakhmat ki bor pulit ha Dibrugarh.
Ka kynhun ki pulit na Chabua ki la leit shajan khappud ka Assam bad Arunachal ha Tinsukia district ban wanlam noh ia une u dkhot ka ULFa sha Dibrugarh.U Bikram Gogoi u dei uba shong ba sah ha Chabua, Dibrugarh.
Haba kren sha ki lad pathai khubor ha ka sngi Balang ba la lah, u Superintendent of Police ka Dibrugarhu Shwetank Mishra u la ong , “ Kiba haiing hasem jong u Bikram Gogoi ki la pyntip sha ngi ba u kwah ban wanphai noh sha la iing.Ngi la pynkhreh ba phah ia ki bor pulit na Chabua ban wanlam pat ia u.La wanlam noh ia u shapoh Dibrugarh bad ngi la sdang ban pynlong ka jingtohkit.Ngi la phah ia ki kot ki sla kiba iadei bad ka jingwan pyndem ka jong u shapoh ka headquarter jong ki pulit ha Guwahati na ka bynta ka jingmynjur.”
U Bikram Gogoi u la pyniasoh sha ka seng ULFA(I) ha u snem 2019 bad naduh katei ka por ula don hapoh ka ktem jong ka sneg ULFA(I) hapoh Myanmar.
Ha kawei pat ka bynta, kiba bun ki dkhot ka seng ULFA(I) kumjuh ki nongialam jong ka ki la wanphai pat sha ka lynti kaba iadei bad ka imlang ka sahlang.
