Shillong, Rymphang 19: Ki tyllong khubor ki ia thuh ba u myntri rangbahduh ka ri India Narendra Modi un wan ialap ilekshon ha nongbah Shillong haka 24 tarik mynta u bnai.
La iathuh ba u Modi un lum ka jingialang ha Kyndai Lad bad ha kane ka jingialang yn ia shim bynta da ki kyrtong ka Bharatiya Janata Party (BJP) Meghalaya na rilum Khasi-Jaintia hills.
Lah ban kdew ba dang shen ki nongialam ba rangbah jong ka BJP naduh u Amit Shah, Nitin Gatkari, Himanta Biswa Sarma, Rituraj Sinha bad kiwei kiwei dei ki la wan poi ha kylleng jong ka Meghalaya ban ia lap ia ki kyrtong ka BJP ki ban ia khun ha kane ilekshon ka ban long ha ka 27 tarik mynta u bnai.
