Agartala, Rymphang 11: Ki kam iaumsnam sain hima hashuwa ka jingpynlong ia ka ilekshon assembly ha Tripura kim pat shym la sangeh wat hadien ka jingpynjur ia ka jingpahara, kata hadien ba kumba hynniew ngut ki briew ki la mynsaw namar ka jingiakynad hapdeng ki nongtrei jong ka seng BJP bad ka CPI-M ha ki bynta jong ka Melaghar kaba hap hapoh Sepahijala district.
Ha ka 10 tarik mynta u bnai ha ka por jong ka jingialap ilekshon kumba hynniew ngut ki briew na ka seng CPI-M bad BJP ki la mynsaw na ka jingiakynad hapoh Melaghar. Hadien kane ka jingjia na ka liang ki bor pulit ki la pynjur ia ka jingpahara ha katei ka jaka.
Katkum ki khubor la iathuh ba u kyrtong ka CPI-M u Shyamal Chakraborty u la pynlong ka jingleit ialap ha man la ki thliew iing hynnin ka step 10 tarik. Hynrei, ha kaba kum kane ka por ki runar ba la kyrshan da ka BJP ki la sdang ban kynthoh da ki ktien sniew pyrshah ia une u kyrtong. Kumta ruh kane ka la pynmih ia ka jingiakynad hapdeng ki nongkyrshan jong kitei ki ar party.
Kumba san ngut ki nongtrei ka CPIM bad arngut ki nongtrei ka BJP ki la ngat ha ka jingmynsaw ha kane ka jingjia.Na ka liang ki bor pahara ki la wan poi mardor ha kane ka jaka bad ioh ban pyllait noh ia kito kiba la mynsaw bad pynkit shapoh Sonamura sub-district hospital. Hynrei, namar katto katne ngut ki la don hapdeng ka jingmynsaw jur, kumta ruh na ka liang u doktor u la phah pynkynriah noh shapoh GB Hospital.
Ki nongialam ka CPIM ki la kynnoh ia ki nongtrei ka BJP da kaba ong ki la pynlong ka jingthombor kaba kyndit kyndit pyrshah ia ki kyrtong bad ki nongkyrshan jong ka CPIM.
Ha kawei pat ka liang, ki nongtrei ka BJP ki la kam da kaba ong hadien ba u kyrtong ka CPIM u la leit ialap sha ki thliew iingbriew, ki briew ki la kyntu ia ki da kaba ong shano ki jah ha kine ki san snem ba la leit noh.
Ki nongtrei ka BJP ki la kynnoh ruh ba ha katei ka jingjia, na ka liang u kyrtong ka CPIM um shym la khanglad satia ia la ki jong ki nongtrei.
Hadien la pyntip noh sha ki pulit kiba la wan ban tehlakam ia kane ka jinglong jingman. Watla katta uwei na ki nongtrei ka party u Abul Hossain u la mynsaw jur ha katei ka jingjia. Na ka liang ki bor pulit ki la pynlong ka jingtohkit halor kane ka jingjia bad pynjur ruh ia ka jingpahara ha katei ka jaka.
