Nongpoh, Rymphang 04 : Baroh 5 ngut ki kyrtong ka Trinamool Congress (TMC) lem bad 4 ngut kiwei pat ki kyrtong jong ka BJP, VPP bad PDF kila thep kyrteng hynne ka sngi kum ki kyrtong ban iakhun ha ka elekshon MLA ban long ha ka 27tarik Rymphang.
Kine ki 5 ngut ki kyrtong ka TMC ki dei u MLA ka Umroi Bah George B Lyngdoh (Umroi), Bah Gilbert Nongrum (Umsning), Bah Longsing Bey ( Nongpoh), Sonmoon Marak (Jirang bad Dr Saralin Dorphang (Mawhati).
Ki 4 ngut kiwei pat ki dei ka Kong Marian Maring na ka BJP (Nongpoh), Bah Roswel Shadap na ka PDF (Mawhati), Dr Ricky J Syngkonna ka VPP (Umsning) bad u Forcaster Nongrang kum u kyrtong shimet (Jirang).
Na ka liang ki kyrtong ka TMC kiba ki la pynpaw ia ka jingsngewkmen ba kum ka party hi ka la ibit bad shaniah ha ki kum ki kyrtong ki ban ialeh ha kane ka election kaba mynta, ha kaba ki la pynpaw ruh ba ki don ia ka thong ban wanrah iaki jingkylla hapoh ki constituency jong ki bad kumjuh ha ka District hi baroh kawei.
Kiwei pat ki kyrtong kiba la pyndep ia ka jingthep kyrteng, ki la pynpaw ia ka jingkmen ban ia ai reng naka bynta ban long ki nongmihkhmat sha dorbar thawaiñ jong ka jylla. Kitei ki kyrtong kila pynpaw ruh iaka jingsngew skhem ba kin ioh ia u soh jong ka jingjop ha Kane ka election.
