Shillong, K’lyngkot 20 : Ka Sorkar Jylla kala pynmih ia ka jingpynbna bala thaw ia ka Screening Committee ban jied ia ki skul ka Jylla ba kin ioh ia ka skhim PMSHRI.
Kane ka Committee ka dei kaba la khlieh da u Commissioner & Secretary ka Tnad Education bad State Mission Director, SSA-SEMAM kum u Chairman.
Ki kyndon treikam jong kane ka Committee ka long ban pynshisha ia ki jingkam bala phah da ki skul bad ban ai jingmut ia ki kyrteng jong ki skul sha ka Ministry bad ruh ban ai jingmut ia ki sienjam ha kaban pynrung lang ia ki skul bala jied sha ka Phase-II jong ka skhim.
Kiwei pat ki dkhot ka Committee ki long u State Project Director, SSA-SEMAM & Director of School Education & Literacy kum ki Member Secretary bad Secretary ka Tnad Education: Educational Research & Training, Secretary ka Tnad Education: Higher Education, Deputy Secretary ka Tnad Education bad Deputy State Project Director, SSA-SEMAM kum ki Dkhot.
