Shillong, K’lyngkot 17 : Ki Pulit ka East Jaintia Hills hynnin ka miet, kila ioh kem ia 4 ngut ki briew ryngkat bad ki bomb gelatin (dynamite) bad ki detonator na ka khlaw Jalaphet, Bri Sumer.
U Superintendent of Police ka East Jaintia Hills Jagpal Singh Dhanoa ula ong ba ha ki Pulit kila pynlong ia ka jingkhynra hapoh ka khlaw Jalaphet halor ki jingtip ba ki don lai ne saw ngut ki samla kiba iaid swait ha ka jaka bad rah ia ki synduk.
Namar, da ka jingwan ka elekshon MLA ha Jylla bad ka jingsuba ba ki mar ha kane ka synduk ki lah ban dei kiba buh jingma ia ka jingiaid beit iaid ryntih ka elekshon, ki Pulit kila pynlong ia ka jingkhynra hapoh ka jingialam jong u Addl SP Bah B Jyrwa bad SI K Pdahkasieh uba dei u Incharge ka Umleng AD Camp bad SI B Marbiang jong ka Saipung PS.
U SP u pyntip ba ha kane ka jingkhynra, ka kynhun ki Pulit kala lap ia kawei ka sem masi ha khlaw bad la iohi ruh ia saw ngut ki samla kiba thiah ha kane ka sem.
Haba kyndang ia ki na kaba iohtjhiah bad ha ka jingkhynra ia kane ka sem masi, ki Pulit kila ioh ban kurup ia bun tulli ki synduk ba don ia ki bomb glatin.
Ha ka jingtalasi bha, ki Pulit kila lap ba donhaduh 26 tylli ki synduk kiba don ia ki bomb galatin bad 4 tylli ki synduk kiba don ia ki electronic detonator,
Ka jingioh kuruo baroh ka long haduh 650 kili u galatin stick bad 200 tylli u detonator.
Kine ki briew ba shah kem ki dei kiba la ithuh kum u Point Chyrmang (30 snem), Nikalai Chyrmang, Mij Chyrmang bad Shanbor Chyrmang.
Ia kine ki briew la register case hapoh Saipung Police Station bad ka jingtohkit mynta ka dang iaid shakhmat ban lapdien ia ki jaka ba ki ioh ia kine ki bomb.
