Shillong, K’Lyngkot 08: U Myntri Rangbah ka jylla u Conrad K Sangma hynne ka sngi ula leit jurip iaka Courtyard Marriott Hotel kaba don ha Jail Road Khyndai Lad bad ula pynpaw ba kane ka Hotel kadei kaba heh tam ha baroh kawei ka thain Lam Mihngi (North East).
Haka jingleit jurip u Conrad ula ong ba kane ka Hotel kadei kaba heh tam lada ia nujor iaka jingdon kamra bad kane ka Hotel kan kyntiew iaka jylla haba iadei bad ka jinglah ban pynbit pynbiang iaka nongwan shangkai hapoh Meghalaya.
“Nga sngew kmen ban iohi ba ki jingtei ha kane ka Courtyard Marriott Hotel ki long kiba itynnad eh bad nga ngeit skhem ba ha ki khyndiat sngi yn lah ban plie noh ia kane ka Hotel naka bynta ban pynbit pynbiang iaki nongwan shangkai pyrthei hapoh kane ka jylla” la ong u Conrad.
U Conrad ula ong ba ki kam ban pyndep noh ia kane ka Hotel kila iaid shaid shaid bad ki dang sah satang ban pynbiang iaki kot ki sla bad hadien kane yn sa lah ban plie paidbah noh ia kane ka Courtyard Marriott Hotel.
