Diphu, K’lyngkot 08: Arngut ki briew ki la shah kem noh hadien ba ki pulit ki la ioh ban kurup ia u drok heroin uba shongdor T 18 klur na kawei ka kali ha Karbi Anglong district ka Assam hynne ka sngi U Blei, ong u heh pulit.
Ka kynhun ki pulit ka Assam ha ryngkat ki dkhot ka that CRPF ki la ioh ban kurup ia utei u drok hadien ba ki la pynlong ryngkat lang ia ka jingkhynra, ong u heh pulit.
Na ka liang u Superintendent of Police ka Karbi Anglong, u Sanjib Kumar Saikia u la ong“ Ki bor pahara ki la pynlong ka jingpynap shrip ha ki bynta jong ka Dilai Tiniali hadien ba ki la ioh ia ka jingtip kaba bniah halor ka jingthmu khaii drok.
Ki bor pahara ki la pynsangeh noh ia kawei ka kali pick up van bad ha ka jingkhynra ki la ioh ban kurup ia u drok heroin una don 3.5 kilo ka jingkhia ia kina la the hapoh ki 286 tylli ki synduk sabon.
Ha ka jingbishar bniah la ong ba une u drok ba la ioh kurup u shongdor haduh kumba T 18 klur ha ki ja ka iew beain ka pyrthei, ong shuh shuh u heh pulit.
Ha kane ka jingjia arngut ki briew kiba dei na Barpeta district ka Assam ki la shah kem noh, ong u SP.
Shuh shuh u Saikia ila ong ba kane ka kali ka dei kaba la wan na Manipur bad ka jingtohkit halor kane ka jingjia ka sang iaid shakhmat ban tip shano ki thmu ban pynpoi ia une u drok.
