Shillong, K’kyngkot 08 : U Myntri Rangbah ka Jylla hynnin ka sngi saitjain, ula buh mawnongrim ban tei ia ka Community Hall-cum-Sports Complex ha Jaiaw Lansonalane da ka jingthmu ban ai ia ka Shnong bad ki samla ia ka jaka ba kin tei ia ka imlang sahlang.
Foundation laid for the construction of the Community Hall Cum Sports Complex of Jaiaw Lansonalane which will give the community and youth a space to gather for community building & other activities. We dedicate it to the residents of Jaiaw Lansonalane pic.twitter.com/hk28GVoh3P
— Conrad Sangma (@SangmaConrad) January 7, 2023
Haba ai jingkren, u Myntri Rangbah ula ong ba ia kane ka project yn trei ha ka jingmang pisa ba T. 18 lak jong ka wat ba nyngkong napoh ka Chief Minister Special Development Fund (CMSDF).
“Kane ka project ka dei ka sienjam ba rit bad kaba don jingmut pat bad da ka jingshimkhia jong baroh ki nongialam shnong bad ngi ba don hangne, lada ngi iatreilang, ngin pynthikna ba ngin lah ban pyndep ia ka project hapoh ka por ba buh” ula ong.
Ia u mawnongrim la buh da u Myntri Rangbah ha ka jingiadonlang u Symbud Myntri Rangbah Bah Prestone Tynsong, Bah Ransom Sutnga, Bah KM Warjri uba dei u Chairman ka Lansonalane Block Committee bad kiwei kiwei ki dkhot ka Exectuive Committee ka Shnong.
Haba iaroh ruh ia ka jingshimkhia jong u Bah Ransom ban wanrah ia kane ka project, u Myntri Rangbah ula ong b aka dei na ka jingwan kyrpad jong u Bah Ransom b aka Sorkar kala mang ia kane ka pisa ba T. 18 lak.
Lah ban kdew hangne b aka mang pisa jong ka CMSDF ka dei kaba tang hapoh ka T. 10 lak namar ka dei ka song pisa ban ai sha ki kam pynroi ha kylleng ki jaka ka Jylla.
U Myntri Rangbah ula kular ia ki paidbah ka Jaiaw Lansonalane ba hapoh ka 7-10 sngi, ia kane ka pisa yn sa phah noh sha ka Account jong ka Shnong.
U Bah Ransom haba ai jingkren, ula ai jingiaroh ia ki trai jaka kiba la ai sngewbha ia kane ka jaka sha ka shnong Lower Lansonalane Block.
