Shillong, K’lyngkot 03: Ka Parliamentary Standing Committee on Food, Consumer Affairs and Public Distribution, kan wan iuhkjat ha Nongbah Shillong ha ka 6 tarik haduh 8 tarik Kyllalyngkot ban wad jingtip ia ka rukom sam marbam.
Ha ka 6 tarik, ka Committee kan pynlong ia ka jingiasyllok bad u Chief Secretary ka Jylla ba iadei bad ka mat ‘Initiatives in the North-East in the field of Consumer Rights Protection’. Hadien kane, ka Committee kan sa leit iuhkjat ruh ha FCI- Food Storage Depot (FSD), Shillong.
Ha ka 7 tarik, ka Committee kan pynlong ia ka jingiasyllok bad ka FCI lem bad ka CWC halor ka mat ‘Post-Harvest Management of Food grains: Storage, Transport and Distribution’ haba pynleit jingmut kyrpang ia ka jingdon ki kudam buh marbam ha ka thain Shatei Lam Mihngi ka Ri.
Ka Committee kan leit ruh ban iuhkjat ha ki Price Reporting Centre/ State Consumer Commission.
