Shillong Nohprah 23: Ka HYC Seng Kmie ka pynrem jur ia ka jingkren lap lah u nongialam ka TMC u Kirti Azad uba la kren bein iaka riam tynrai jong u Hynniewtrep.
“Udei uei une uban balain stad ia ka riam tynrai jong ngi ki Khun Hynniewtrep. Ngim sngew iahap ia ka jingthoh jong u halor ka riam Tynrai Khasi kaba la ai ha u Myntri Rangbah ka Ri India. U Kirti Azad u dei ban pan map mardor na ka Jaidbynriew Hynniewtrep lem kumta ngin niew ia u kum u nongshun ka Jaidbynriew Hynniewtrep” la pynpaw u President ka HYC Bah Robert June Kharjahrin ha ka kyrwoh khubor.
Ka HYC ka Maham jur ia baroh ki briew kiba niew bein ia ka riam Tynrai u Khun Hynniewtrep bad ia kito ki briew kiba shim kabu ban ioh nong politik na ka riam Tynrai.
“Ka riam Tynrai jong ngi ka long kaba kyntang bad kaba kyrpang bad ym bit mano mano ban pyndonkam bakla ia ka ban ialeh politik. Ka politik ka leit bad ka wan hynrei ka riam Tynrai Jong ngi ki Khun Hynniewtrep kan neh shyrta” la pynkut u Bah Robertjune Kharjahrin.
