Shillong, Nohprah 22 : U President ka BJP Bah Ernest Mawrie hynne ka sngi palei, u la pynrem jur ia ka Trinamool Congress (TMC) halor ka jingkren bein ia ka deiriti ki Khasi da ki kyntien kiba ipoh dor bha.
Ha ka kyrwoh, u Bah Ernest ula ong ba u Nongialam ka TMC Kriti Azad ula pyndonkam ia ki kyntien pynjah burom ia ka riam tynrai ki Khasi, kaba u Myntri Rangbah Duh ka Ri ula phong da ka jingsngew sarong.
U Bah Mawrie ula ong ba kane ka jingkynthoh ka pyni ia ka jingmut jingpyrkhat ba shai jong ki Nongialam ka TMC pyrshah ia ki paid riewlum ka Jylla bad jong ka Ri baroh kawei.
Ula ong b aka TMC ka dei ka Party kaba sngew halor ia baroh bad buh ia kiwei kiwei hapoh ka jong ki. Kane ka jingkynthoh ka pyni ia ka jingsngewthuh ba khyndiat eh jong kane ka Regional Party na West Bengal ia ka Meghalaya, ia ki nongshongshnong bad ia ka deiriti jong ki.
U Bah Ernest ula kyntu ia ki nongialam ka Jylla kiba la iasoh sha ka TMC ba kin iohi ia ka jingshisah halor ka jingthmu jong kane ka Party. Ula ong ba ki paidbah ka Jylla kin ym pdiang da lei lei ruh ia ka TMC.
