Shillong, Nohprah 20 : Ka tnad Sports & Youth Affairs jong ka jylla ryngkat ka jingiatreilang bad ka Meghalaya State Olympic Association kan pynlong iaka 1st Sohra International Half Marathon ha 21 tarik u Nohprah.
Kane ka jingiakop mareh kan sdang ha ka por 7 baje mynstep bad ka jingjngai ka jingiamareh kan long haduh 21.0974 Km.
Ka jingiamareh kan sdang na Shnong Laitsohpliah (6 KM shakhmat jong ka Jingjieng Mawkdok)-Lad Mawphlang – Sohra Rim – Mawmihthied – Laitryngew – Khlieh Shnong – Pdeng Shnong – Pomsohmen – Nongsawlia – Saitsohpen – Mawsmai (Nohsngithiang view point), Sohra kaba dei ka jaka kaba yn pynkut iaka jingmareh.
U Director ka tnad Sports and Youth Affairs u S Awasthi ula kyntu ia kino kino kiba kwah ban ia mareh ki lah ban wan iashimbynta.
