Bate kam hapoh ka kynhun myntri ka Mizoram :Shim smai 4 ngut ki MLA kum ki myntri cabinet

Date:

Share post:

Aizawl, Nohprah 20: U Lat ka jylla Mizoram u Dr Hari Babu Kambhampati mynta ka sngi ula pyntian smai na ka bynta ka jingshimti kam ia ki sawngut ki Myntri ka Cabinet kiba kynthup ia u K. Lalrinliana; Lalchhandama Ralte; Lalruatkima bad u Er. Lalrinawma.

La pynlong ia kane ka jingialang pyntian smai hadien ba ka Chief Secretary ka jylla ka Dr. Renu Sharma ka la pan ia ka jingbit na ka bynta ka jingpyniaid shakhmat na u Lat. Bad hadien u Lat ka jylla ula pyntian smai na ka bynta ki sawngut ki myntri thymmai.

Ha kane ka jingialang pyntian smai la wan iashim bynta ruh da u Myntri Rangbah (CM) ka jylla u Zoramthanga, Dy. CM u Tawnluia, Lamphang ka Mizoram Legislative Assembly u Lalrinliana Sailo lem bad kiwei pat ki myntri, ki MLAs nalor kiwei pat ki riew pawkhmat bad ki heh sorkar.

U K. Lalrinliana; u Lalchhandama Ralte bad u Lalruatkima kila shah pynrung ha ka kynhun myntri cabinet na ka kam myntri sorkar ka jylla.

U Lalrinawma uba la iehnoh kam dang shen kum u Symbud Lamphang ka Mizoram Legislative Assembly u dei tang ma u ka durkhmat bathymmai hapoh ka kynhun myntri ha kaba ula shah pynkhamti ia ka tnat Social Welfare & Tribal Affairs, Excise & Narcotics, Sericulture, bad Animal Husbandry & Veterinary.

 

Share post:

spot_img

Popular

More like this
Related

Aipor 48 kynta ki kynhun ka NEHU ia ka MoE ban thung ia u Acting Vice Chancellor

Shillong Lber 17: Ka North-Eastern Hill University Students' Union...

NEHU bodies serve 48-hr ultimatum to Education Ministry to appoint Acting VC

Shillong, March 17: The North-Eastern Hill University Students' Union...

Lack of coordination costs Meghalaya ₹1.18 Crore in uncollected mineral cess: CAG Report

Shillong, March 17: The lack of coordination between the...