Shillong, Dec 16: Ki bor district ka East Khasi Hills kala pynmih iaka hukum ba khang ban pynher iaki Drones bad ia kiwei ki jait Micro-Light Aircrafts hajan ka Jawaharlal Nehru Stadium (Polo Ground) Shillong.
Ia kane ka hukum la pynmih namar u Myntri Rangbah ka ri India u Narendra Modi un wan shim bynta ha ka jingialang kaban long ha ka 18 tarik Nohprah ha J. N Stadium Shillong.
Ka hukum na ki bor district la kdew ba ym shah ban pynheh iaki jait Drone bad Micro-Light Aircrafts kumba 2 km najan ka Jawaharlal Nehru Stadium (Polo Ground) Shillong haka 18 tarik mynta u bnai.
Ia kane ka hukum la pynmih kum shi bynta ban pynthikna ba kan nym mih kano kano ka jingma ne jingshah pyndik iaki briew khamtam iaki VVIPs bad iaki paidbah kiba wan sha Kane ka jingialang ha Polo.
La kdew ba kino kino kiba pynkhien ia kane ka hukum kin shah pynshitom katkum ki kyndon 188 jong ka IPC.
La iathuh ba u Myntri Rangbah Duh ka ri India un pyniaid iaka jingialang ban rakhe iaka jingdap 50 snem ka North Eastern Council (NEC) bad u lah ruh ban leit shim bynta ha ka jingialang jong ka IIM-Shillong.
Ha jane ka jingialang jong ka NEC baroh ki Myntri Rangbah bad ki Lat jong ki jylla ka thain Shathie Lam Mihngi kin wan shim bynta ha kane ka jingialang.
Na Meghalaya u Myntri Rangbah duh ka ri un leit sha Tripura naka bynta ban shim bynta ha ka jingialang ha Agartala bad ban plie iaki projek bapher bapher.
