La pyllait paidbah ia ka CM CAREs
Shillong, Nohprah 05 : U Myntri Rangbah ka Jylla Conrad K Sangma hynne ka sngi nyngkong, ula pynbna ba ka Sorkar kan kyntiew noh ia ka Honorarium jong baroh ki Nongtrei Anganwadi ka ban sdang treikam naduh ka 1 tarik Risaw 2022.
Our Anganwadi Workers & Village Organizations are the agents of social change in our effort towards a Malnutrition Free Meghalaya
Pleased to announce the enhancement of honorarium to AWW Workers by ₹1500, Mini AWW by ₹750 & Helper by ₹500 wef 1st October, 2022@smritiirani pic.twitter.com/OF3QoIhfXI
— Conrad Sangma (@SangmaConrad) December 5, 2022
Ia kane la pynbna ha ka jingpyllait paidbah ia ka CM CAREs bad jingplie ia ka Jingialang Bah (State Convention) jong ki Nongtrei Frontliners kaba long ha SICPAC, Shillong, ha ka jingiadon ryngkat u Myntri ka Tnad Social Welfare ma Kyrmen Shylla.
Haba kren ha ka jingialang, u Myntri Rangbah ula ong ba ki Nongtrei Anganwadi ha ryngkat ki Nongtrei ba peit ia ka koit ka khiah ha Shnong bad ki Village Organisation ki dei ki agent ba wanrah jingkylla ha ka imlang sahlang, kiba pynioh ia ka jingkyrshan jong ki Nongshongshnong na ka bynta ka jingsumar ba paka ia ki Khynnah bad ki Kynthei ha ki shnong ki thaw.
“Ngi sngewthuh ba donkam ban don ia ki kynja mission ha ka ban iada, kyrshan bad ai ia ki jingsumar bad ka jingbam tei met ia ki Khynnah bad ki Kmie ban pynduna ia ka jingiap ki Longkmie haba kha khun bad ka jingbym biang ka bam ka dih ia ki khynnah bad ki Kmie” ula ong.
Haba ai khublei ia baroh ki Nongtrei Frontliner kiba la shim ia ka bynta ban ai ia ki jinghikai ba kongsan, ka bam tei met bad pynthikna ia ka jingkoit jingkhiah ki briew khamtam ha ki jaka Nongkyndong, u Myntri Rangbah ula ong “ Ka jinghiar ka SAM bad MAM haduh 90% ka dei kaba khlem khmih lynti khamtam ha kane ka Jylla barit kum ka Meghalaya”.
“Mynta kane ka buit treikam (Model) ba ngi pyntrei mynta ka dei kaba la ioh jingithuh naduh ki bor ba halor duh ka Ri bad kala long ka nuksa ia kiwei pat ki Jylla ba kin bud” ula bynrap.
U Myntri Rangbah ula pynpaw ia ka jingkmen namar la lah ban pynkiew ia ka honorarium jong ki AWW bad ki AWW Helper haba ong “Kane ka jingpynkiew ia ka honorarium ka dei tang ka jingai barit ban sngew burom ia ka jingaiti jong phi ia ka kam bad ngi pynthikna ia ka jingkyrshan jong ngi ia ka kam ba phi trei”.
Ula pyntip ruh ba ka Sorkar Jylla kan sa pynkylla noh ia baroh ki Anganwadi Centre sha ki Early Childhood Development Centre (ECDC) kiba biang ki jingtei, ki tiar ki tar bad ki jingdonkam baroh.
Kat kum ka jingpynbna, ka jingpynkiew ia ka Honorarium ia ki AWW kan long da T. 1500, ki Mini AWW kan long da T. 750 bad ki Helper kan long da T. 500 shi bnai. Kane kan sdang treikam naduh ka 1 tarik Risaw 2022.
U Myntri Rangbah ula pyllait paidbah ruh ia ka CM CARE kaba ju tip mynshuwa kum ka Chief Minister’s Social Assistance Scheme for Infirm, Single Mother & PWDs. Ia kane la tip mynta da ka CM CARE (Comfort, Assist, Respect, Empowerment) bad hapoh kane ka skhim, ka jingioh jingmyntoi kaba ju long T. 500 shibnai kan long noh T. 750. Kane ruh kan sdang treikam naduh ka 1 tarik Risaw 2022.
Happy to launch CM CAREs (Comfort, Assist, Respect, Empowerment) scheme
Through CM CAREs, the financial benefit of erstwhile CM’s Social Assistance Scheme has been increased from ₹500 to ₹750 per month w.e.f. October 2022@smritiirani @Drvirendrakum13 @socialpwds @MinistryWCD pic.twitter.com/OsqEiOt0kn
— Conrad Sangma (@SangmaConrad) December 5, 2022
U Myntri Rangbah ha kane ka sngi ula pynkup burom ruh ia ka State Best Award bad Best Project na kawei pa kawei ka District halor ka jingiatrei shitom ban pynhiar ia ka SAM bad MAM. Iaka best state award la ioh da ka South West Garo Hills bad Ri Bhoi.
Congratulations to South West Garo Hills District & Ri Bhoi District on being awarded the Best Districts for commendable efforts in reducing SAM & MAM among children in their districts.
Presented the awards today in the State Convention of Frontliners@smritiirani @MinistryWCD pic.twitter.com/pCopfKcvEO
— Conrad Sangma (@SangmaConrad) December 5, 2022
