Guwahati, Nohprah 02 :Arngut ki briew kila ngat ha ka jingmynsaw kaba jur hadien ka jingshah thombor ha ka khla kynthei hapoh ka shnong Samuguri ha Nagaon district ka Assam.
Ia kine ki arngut ki briew kiba la mynsaw jur la pynkynriah noh mardor shapoh ka hospital na ka bynta ban aijingsumar.Ia kine ki arngut ki briew la tip kyrteng kum u Nursing Orang bad u Daniel Har.
Katkum ki khubor la ong ba u Nursing Orang da ka jingthmu ban iada ia u Daniel na ka jingthombor jong kane ka khla ula ngat pynban ia lade ha ka jingmynsaw kaba kham jur.U Nursing u dang don ha ka lynti ban leit sha ka pynthor kba hadien ba ula iohi ia u Daniel uba la shah thombor ha kane ka khla.Kumta ruh u Nursing ula iakhun pyrshah ia kane ka khla khnang ban pyllait im ia u Daniel hadien ba ula ngat ia lade ha ka jingmynsaw kaba jur.
Na ka liang ki trai shnong kila ong ba kane ka khla kaba la shah pyniakhlad noh na i khun rit jong ka kala shang sakma sha ki bynta jong ka Bardal mynta lah kumba katto katne por kaba la pynlong ruh ia ki nongshong shnong ba kin don hapdeng ka jingsyier.
Kiba bun na ki nongrep kiba ri jingri kila don hapdeng ka jingsyier ban pynleit bam phla ia ki masi, ki blang bad ki muid ki jong ki sha ki jaka ba madan.
“Kane ka khla kynthei kala shang sakma sha ki shnong ki thaw mynta la bun bun sngi bad hateng hateng ngi don hapdeng ka jingsyier ban leit sha ki pynthor kba tang marwei hi,” ong uwei na ki nongshong shnong.
