Shillong, Naiwieng 22 : Ka sorkar Jylla hynne ka sngi kala pynmih ia ka hukum ba pynsangeh noh ia baroh ki jingleh tamasa ha Jylla kynthup ka Cherry Blossom namar ka jingjia ha Mukroh.
Haduh 6 ngut ki briew kila iap ba kynthup ia 5 ngut ki nong Mukroh bad uwei u Forest Guard ka Assam, kila kyllon iap na ka jingther kuli jong ki Pulit ka Assam hynne ka step sngi ba-ar por 7 baje ha Mukroh.
Kane ka jingjia kala jia hadien ba ki Pulit ka Assam kila kem ia ki katto katne ngut ki riew paidbah ba leit bri, kaba la pynlong ia ki nongshongshnong ban iamih paidbah bad ban pyrshah ia kane ka kam ki Pulit.
