Iap u heh shipai na ka aksiden kali ha Upper Shillong 

Date:

Share post:

Shillong, Naiwieng 17: Uwei u shipai ba bat kyrdan Colonel bad uba trei ha Shillong ula iap na ka jingshah tynrah kali ba jia ha ka janmiet sngi Balang ha 101 area, Upper Shillong.

Une u heh shipai ba kyrteng u Ramesh Rathore ula shah tynrah ha ka kali ba pynher sted bha ha ka por 5 baje janmiet katba u dang mih na ophis lajong. Ia une u shipai la rah mar mar sha hospital hynrei hadien ula khlad noh.

“Ha ka jingjia ba sngewsih, u col. Ramesh Rathore jong ka 12 armd Regt, uba bat kum u Col. A HQ. 101 area Shillong, ula iap hadien ka jingshah rat ha ka kali scorpio ba pynher sted bha katba u dang mih na Ophis ha ka por 5 baje” ong u Defence PRO.

U khun jong u, u dei uba dang shu ioh rung shen ha ka National Defence Academy (NDA).

” La shem ba ka jingpynher sted, jingniah khlem akor bad jingniah kali ha ka jingbuaid ka dei ka daw ha kiba bun ki jingjia aksiden ba shim ia ki mynsiem briew” Ong u EJH SP Jagpal Singh Dhanoa haba kren sha ki nongthoh khubor.

Ka jing pyndep ia ka lehniam leh rukom ba khatduh ia une u heh shipai kan long ha ka shnong jong u ha Ghanau Sadulpur kaba don ha Churu district ka Rajasthan.

Share post:

spot_img

Popular

More like this
Related

Pynbna ka Sorkar ban pyntreikam ia ka Town & Country Planning Scheme ban iarai lang ia ki kam pynroi

Shillong, K’lyngkot 15 : Ka Sorkar Jylla kala pynbna...

Mynjur ka Sorkar ia ka Service Rules ki skul ha Jylla

Shillong, K’lyngkot 15 : Ka Kynhun Myntri ka Sorkar...

Mynjur ka Sorkar ban pynmih ia ka khusnam Art & Heritage Award

Shillong, K’lyngkot 15 : Ka Kynhun Myntri ka Sorkar...

Rai ka Sorkar ban kynthup noh ia ka Ktien Pnar ha ka State Anthem

Shillong, K’lyngkot 15 : Ka Sorkar Jylla ha ka...