Shillong, Naiwieng 14 : Ka jingiakhun sha ka nam lahduh (Champion) jong ka 2nd North East Olympic Games 2022 ka la nang thnem mynta hapdeng ka Assam bad ka Manipur bad ka Jylla Meghalaya ruh kala nang kiew sha ka kyrdan kaba saw ha ka jingioh khur ia ki takma.
Kat haduh hynnin ka miet por 10 baje mynmiet, ka Assam kala jop haduh 34 tylli ki takma ksiar, 34 tylli ki rupa bad 19 tylli ki rnong katba ka Manipur kaba don ha ka kyrdan ba-ar kala ioh 31 tylli ki takma ksiar, 26 tylli ki rupa bad 25 tylli ki rnong.
Ka Arunachal Pradesh kala don ha ka kyrdan ba lai da ka jingioh 14 tylli ki takma ksiar, 13 tylli ki rupa bad 18 tylli ki rnong.
Haduh hynnin ka sngi, ka Meghalaya ka dang ioh tang kawei ka takma ksiar kaba wan na ka jingiakop niah cycle hynrei haduh ka por mynmiet, kala ioh ban khur sa san tylli ki takma ksiar na ka jingialehkai athletic, kawei n aka golf bad artylli na ka wushu bad judo.
Ka Tripura ka dang sdang ioh ia kawei ka takma ksiar naka judo kaba la long hynnin ka sngi ha Laban SC Indoor Stadium.
| SL. NO | STATE | Gold | Silver | Bronze | Total |
| 1 | ASSAM | 34 | 29 | 19 | 82 |
| 2 | MANIPUR | 31 | 26 | 25 | 82 |
| 3 | ARUNACHAL PRADESH | 14 | 13 | 18 | 45 |
| 4 | MEGHALAYA | 10 | 14 | 29 | 53 |
| 5 | MIZORAM | 6 | 7 | 16 | 29 |
| 6 | NAGALAND | 3 | 1 | 16 | 20 |
| 7 | TRIPURA | 2 | 2 | 14 | 18 |
| 8 | SIKKIM | 0 | 8 | 16 | 24 |
| Total | 100 | 100 | 153 | 353 |
