Tura, Naiwieng 04 : Ka Iingkashari Special Judge (POCSO), North Garo Hills kala hukum ban set phatok haduh 10 snem ia u runar uba leh beijot iala ka jong ka khun ruit bad uwei pat uba pyrshang ban leh ia kum kajuh ka kam ula ngat 1 snem hynriew bnai ha phatok kajuh ka District.
Kane ka jingshah leh beijot ka khynnah 10 snem dala u jong u kpanah kala jia ha u Naitung 2018 ha Kharkutta, North Garo Hills.
Une u runar ba kyrteng u Jaseng D Shira u dei uba la iohbat da ki paidbah bad la aiti sha ki Pulit ha ka 31 tarik Naitung.
Ka Iingkashari POCSO kala shem ba une u runar u donkti ban leh ia kane kakam bad la hukum banset 10 snem ia u ha phatok bad ka kun aba 2000 tyngka.
Kawei pat ka jingpynngat sajia ka dei ruh ia u Kpa uba pyrshang ban leh beijot iala ka jong ka Khun ha North Garo Hills.
Une u runar u kyrteng u Tapan Rai bad la hukum ban set ia u haduh 1 snem hynriew bnai bad 10 sngi ha phatok lem bad ka kuna ba 2000 tyngka. Kane ka khun ka dei kaba dang 10 snem ka rta.
Une u runar ula pyrshang ban leh ia kane ka kam ha u Jymmang 2016 hynrei ia kane ka khynnah la ioh ban pyllait da ka jingpoi kloi ha hynmen hala ka jong ka Iing.
