Guwahati, Nohprah 25 : Ka jingkynad kala mih ha Nalbari District ka Assam ha ka sngi Balang hadien ba ki suba dkhot ka Bajrang Dal, kila leit khynra ia kawei ka dukan ba die mar Khristmas bad thang ia ki mar pynitynnad ia ki Iing ki sem.
Kat kum ka khubor, ka kynhun kala leit khynra ia ki dukan kiba don marjan ka Digambar Jain Temple ha sor Nalbari, kaba buh bad die ia ki mar Khristmas. Kane ka kynhun kala sei ia kine ki mar ban thang ingkhong ia ki.
Ha kawei pat ka jingjia, kawei ka skul Missionary ki Khristan kala shah pynjulor bad baroh ki jingpynitynnad ba ki poster kila shah pynjot lut.
Ka video ba saphriang ha ki rynsan social media ki kynthup ia ka kynhun ba ia hylla sologan “Jai Shri Ram”, katba dang thang ia ki khristmas decoration. Kane ka jingjia kala jia ha St. Mary’s School ha ka shnong Panigaon.
Kane ka jingjia kala lam sha ka jingpynrem kaba jur n aka Assam Christian Forum (ACF), kaba la niew ia kane ka kam kum ka bym itynnad satia bad dawa ia ki Pulit ba kin leh eiei mardor. Ka forum kala dawa ia ki bor khmih ba kin register case suto motu ia kine ki jingjia bad ban kem ia kiba donkti.
