Tura, K’lyngkot 17 : Ka sngi ba lai jong ka 5th Meghalaya Games kala sakhi ia ka jingiakhun kaba itynnad bha hapoh ka Tura Track and Field, Dakopgre ha kaba ka samla Retina Hansen na Ri-Bhoi District bad Kyrshanlang Shylla na West Jaintia Hills, kila ioh ia ka nam kum kiba mareh sted tam napdeng ki shynrang bad kynthei ha ka phainal jong ka 400 meter race.
Ha ka jingiakhun kaba iakhaid bha jong ki shynrang, u samla Kyrshanglang Shylla ka West Jaintia Hills ula ioh khur ia ka jingjop da kaba tam da ka said ia u samla Donbok Shabong ka East Khasi Hills, uba wan ba-ar.
Ha ki kynthei pat, ka samla Damika R Lyngdoh na West Jaintia Hills kala pyni ia ka jingiakhun dohiap pyrshah ia ka samla Retina Hanse, bad kala kut da ka jingioh ia ka takma rupa.
Ki thei iakop mareh ba mihkhmat ia ki District bapher bapher ki kynthup ia ka Seinibiangki Suiam na West Jaintia Hills, Iaishah Biangbor Sohiong na Shillong, Rosa Maslai na Ri-Bhoi, Albamery Sohshang bad Monjoyful Dkhar na Nongstoin bad Balashisha Kharjahrin na South West Khasi Hills.
Na ki shynrang, ki rang iakop mareh ba mihkhmat na ki District bapher bapher ki dei u samla Marlangki Siangshai na East Jaintia Hills, Nidawan Lyngdoh na East Khasi Hills, Modingstar Nongpoh na Ri-Bhoi, Iaishah Shylla na West Jaintia Hills, Kalbin B Marak na Williamnagar bad Arshadul Kharmawlong na South West Khasi Hills.
Ki jingiakhun ki ban long lashai ka sngi Palei kaba dei ka sngi ba 4 jong ka 5th Meghalaya Games ki kynthup ia ka
Men’s 10,000m Final
Women’s 3,000m Final
Javelin throw Final (Men and Women)
Men’s and Women’s 200m (Heats and Final)
4x400m Relay Final (Men and Women, including Heats)
Men’s and Women’s 200m and 800m Final
