Tura, Kyllalyngkot 18: Ka jingiakob ialehkai Athletics kala kut noh hynne ka sngi Palei kaba dei ka sngi kaba saw jong ka 5th Meghalaya Games ha kaba u Skhemlang Suba bad ka Glorify Kurbah kila ioh ia ka nam Best Athletes ha katei ka lympung iakob.
U Skhemlang Suba ula ioh 897 points bad ula ialehkai bha haka jingiakob mareh 800m da kaba shim por 1:54:7 second, katba ka Glorify Kurbah kala ioh 809 point bad kala ialehkai bha ha ka jingmareh kaba 800m da kaba shim por 2:21:5 second.
Ka West Jaintia Hills (WJH) kala long ka District Champion da kaba ioh khur 8 tylli ki Takma Ksiar, 4 tylli ki Takma Rupa bad 5 tylli ki Takma Rnong bad kaba la bud nadien kadei ka Ri Bhoi District kaba la ioh 6 tylli ki Takma Ksiar, 6 tylli ki takma Rupa bad 2 tylli ki Takma Rnong.
Ki nongjop ha ka Athletics hynne ka sngi Palei ki kynthup ia 10000m (Men) ha kaba u Knerlang Phawa (Gold) na East Jaintia Hills (EJH) shim por 32:35:8 second, baar u Monas Bongrung (Silver) na Ri Bhoi shim por 33:10:9 second bad balai u Teiborlang Biam (Bronze) na West Jaintia Hills (WJH) pyndep ia ka jingmareh ha ka por 33:21:8 second.
Ha ka 3000m (Women), ka Marqueenless Ramsiej (Gold) jongka South West Khasi Hills (SWKH) pyndep ha ka por 11:09:2 second, baar ka Lyntijingkyrmen Kharjahrin (Silver) na SWKH pyndep ha ka 11:09:4 second bad balai ka Ibanriakor Lyngkhoi (Bronze) jongka West Khasi Hills (WKH) pyndep ia ka jingmareh ha ka por 11:43:9 second.
Ha ka 200m (Men), u Kyrshanlang Shylla (Gold) ka West Jaintia Hills (WJH) ula pyndep ha ka por 23.3 second, baar u Repol Dkhar (Silver) jongka EJH ha ka por 23.5 second bad balai u Donbok Shabong (Bronze) jongka East Khasi Hills (EKH) uba la pyndep ha ka 23.6 second.
Ha ka 200m (Women), ka Damika R Lyngdoh (Gold) jongka WJH kala pyndep ha ka 27.5 second, ka Angelina Jackson (Silver) na EKH kala pyndep ha ka 28.0 second bad balai ka Himonki Khaii (Bronze) ka WJH kaba la pyndep haka por 29:00 second.
Ha ka 800m (Men), u Skhemlang Suba (Gold) jongka Ri Bhoi ual pyndep ia ka jingmareh ha ka por 1:54:7 second, baar u Elevent Dkhar (Silver) ka EJH uba la pyndep ha ka 1:59:2 second bad u Knerlang Phawa ula wan balai (Bronze) jongka EJH pyndep ha ka por 2:026 second.
Ka jingioh khur ia ki Takma ha ka Athletics jong ka 5th Meghalaya Games:-
West Jaintia Hills (WJH): 8 Gold, 4 Silver, 5 Bronze
Ri Bhoi: 6 Gold, 6 Silver, 3 Bronze
East Khasi Hills (EKH): 5 Gold, 3 Silver, 2 Bronze
North Garo Hills (NGH): 2 Gold, 0 Silver, 2 Bronze
West Khasi Hills (WKH): 0 Gold, 3 Silver, 3 Bronze
East Garo Hills (EGH): 0 Gold, 1 Silver, 3 Bronze
East Jaintia Hills (EJH): 0 Gold, 1 Silver, 0 Bronze
South Garo Hills (SGH): 0 Gold, 1 Silver, 0 Bronze
South West Garo Hills (SWGH): 0 Gold, 1 Silver, 0 Bronze
West Garo Hills (WGH): 0 Gold, 0 Silver, 2 Bronze
